قصيدة براءة طفولة

مسائكم / صباحكم شعر

مبارك عليكم الشهر الفضيل وكل عام وانتم بخير

ولكم هذه المتواضعة

الشعر لـه مدلـول ويخاطـب عقـول
ماهـوب حيـا الله كــلام ونقـولـه
معنى وسبك وحبك واحساس مصقـول
صقل السيـوف اللـي تـورخ بطولـه
لاصار ماله مع هـل العـرف مدلـول
عقّـب علـى القصـاد لا لا يقـولـه
بعن فيه خيـول واسـرج لـه خيـول
واخذ معه مركـاض صولـه وجولـه
حتى يجيني طـوع والسيـف مسلـول
يـوم ان غيـري فيـه يشعـب ذلولـه
الا وقـف قافـه تناخـا علـى طـول
واستفـزع بغيـره يـرقـع سمـولـه
لاني كـذا مجبـول والقلـب مجبـول
فـي حـب مجمـولٍ مزايـاه هـولـه
الخشـم سلـة سيـف والعنـق منتـول
والعيـن حـورا والنواعـس خجولـه
رقيـق ومهـذب وهـادي ومجـمـول
مـع كـل هـذا بـه بـراءة طفـولـه
قليل هرج ولا اظهر الهـرج معسـول
رهيـف حـس ولا يصـدق عـذولـه
وبيض تلاعـج كنهـن صافـي اللـول
زادت علـى قلـب المشقـى حمولـه
فتحـت قلـبٍ قبـل ماهـوب مدهـول
شرعـت بيبانـه وضـاعـت قفـولـه
ليـن امتلكنـي بالهـوا قايـد الجـول
واذعـن مشاعـر ماتجـي بالسهـولـه
قد قال لي هـرجٍ قبـل حايـل الحـول
يالله عسـى فدوتـك كـل الحمـولـه
واليوم مابـه قـول واستذكـر القـول
يوم ان نفسـي فـي وصالـه عجولـه
قفـا وانـا قفيـت والحمـل مـدبـول
والصدر ضاق من الهواجيـس جولـه
افرك بكفٍ كـف واقـول يـا احـول
مـن عقـب مافجيـت فالقلـب دولـه
اقول ذا معقـول ,, ماهـوب معقـول
حتى المواصل صار صعـبٍ حصولـه
واليوم برسل له من الشعـر مرسـول
يقـرا مضامينـه ويـرسـل حلـولـه
وان كان شعري ما اطرب نفوس وعقول
والله مـا اعـده للرجـال ولا اقـولـه

وسلامتكم

.. مسآء القصيد ..

الشعر لـه مدلـول ويخاطـب عقـول
ماهــوب حيـا الله كــلام ونقـولـهـ

الله الله على هالآبيات الرآااائعهـ

يعطيكـ آلف عافيهـ يـ بسبوسه آديني بوسه

ولآيحرمنا جديدكـ

.. كل الود ..

قصيدة براءة طفولة Icon7